لقب يا القاب اصل نام كے علاوه اس علامت سے عبارت هے جس سے تعارف،تعظيم يا تحقير كا اظهار هو۔ مؤخرالذكر شرعاً ممنوع هے؛ليكن جهاں تك تعارفي يا تعظيمي يا خطاب كي بات هے تو بعض القاب وخطاب اتنے عجيب وغريب اور بھاري بھركم هوتے هيں كه اس ممدوح كو نوع انساني ميں شمار كرنا توهين كے مرادف لگتا هے۔بعض اوقات القاب كي اتني كثرت هوتي هے كه اصل نام كو تلاش كرنا جوئے شير لانا هوتا هے۔ بر صغير ميں شائع كسي اردو كتاب كا سرورق هو،يا ديني اصلاحي جلسه كا پوسٹر اس ميں سب سے قابل ديدچيز مختلف النوع القاب هوتے هيں، سابقه القاب عموماً تعظيمي هوتے هيں۔جس كي شروعات خطيب الاسلام، مفكر الاسلام، حكيم الاسلام، فقيه النفس، تاج الشريعه جيسي بھاري بھركم اصطلاحات كے ساتھ حضرت،علامه، مولانا، امير شريعت، پير طريقت، بحر العلوم، البحر العلام، البحر القمقام كى ساتھ هو كر جمله معترضه كے طور پر ايك چھوٹاسا نام هوتا هے پھر اس كا تعارفي اختتام قاسمي،ندوي، سلفي، رضوي،نقوي كى ساتھ ساتھ دعائيه كلمات جيسے مد ظله العالي، دامت بركاتهم، عمت فيوضهم پر هوتا هے۔يه وه القاب يا خطاب هيں جن كا تعلق”زبر”سے هے ۔”زير” والے خطاب اس كے علاوه هيں ان كا ايك الگ مقام اور درجه هے جن كا تعلق زير قيادت، زير صدارت، زير سيادت، زير خطابت، زير نظامت جيسے عنوان سے هوتا هے۔سابقه القاب كا تعلق تو تعظيمي يا تعارفي هے،كسي درجه ميں اس كو قبول كيا جا سكتا هے ،مگر لاحقه الفاظ مسلكي تعارف كے غماز هوتے هيں۔ اور اپنے مكاتب فكر كے پتا بتاتے هيں۔ كتاب كا قاري هو يا خطاب كا سامع اسي لاحقه كلمات سے فيصله كرتا هے كه مصنف يا خطيب اپنا هم مشرب هے كه نهيں،اور اگر اپنا هم مسلك او رهم مشرب هے تو اس پر كامل اعتماد كرتا هے حالانكه معامله اس كے برعكس بھي هو سكتا هے۔
مولانا تقي عثماني صاحب "علمائے ديوبند كا ديني رخ اور مسلكي مزاج” كے پيش لفظ ميں لكھتے هيں:
"چنانچه ان درسگاهوں سے كچھ ايسے حضرات بھي نكل كر ميدانِ عمل ميں آئے هيں جو تعليمي حيثيت سے بلاشبه دارالعلوم ديوبند كي طرف منسوب هيں ليكن انهيں اكابر علمائے ديوبند كا مسلك ومشرب يا ان كا وه متوارث مزاج ومذاق جو صرف كتابوں سے حاصل نهيں هوتا ٹھيك ٹھيك حاصل كرنے كا موقع نهيں ملا، اس لحاظ سے وه مسلكِ علمائے ديوبند كے ترجمان نهيں تھے،ليكن تعليمي طور پر دارالعلوم ديوبند يا اس كے فيض يافته كسي او ر درسگاه سے منسوب هونے كي بنا پر بعض لوگوں نے انهيں مسلكِ علمائے ديوبند كا ترجمان سمجھ ليا اور ان كي هر بات كو بھي علمائے ديوبند كي طرف منسوب كرنا شروع كرديا”۔
مكمل واضح هے كه هر "قاسمي” مسلك علمائے ديوبند كا ترجمان نهيں هو سكتا اور نه هي هر”رضوي” كا بريلوي هونا ضروري هے (كيونكه پھر تو تاريخ دارالعلوم ديوبند هي مشكوك هوجائے)بعض افراد واقعي ان القاب كے حقدار هوتے هيں اور انهيں ان القاب كے بيساكھيوں كي ضرورت نهيں هوتي هے؛ مگر وه لوگ جو ان القاب كے حقدار نهيں هيں انهيں مولانا كے بدلے مولوي اور حضرت كے بدلے جناب كهه ديا جائے تو ناراض هو جاتے هيں۔ مزيد مخاطب کو اس كي تعليم وتربيت پر طعنه بھي گوش گذار كرديتے هيں جبكه يهي حضرات ابن تيميه، ابن قيم، ابن رجب، ابن حجر رحمهم الله كا ذكر ايسے كرتے هيں جيسے يه حضرات ان كے سامنے طفل مكتب هوں۔ واقعه يه هے كه علمي انحطاط جوں جوں بڑھتا جا رها هے القاب كي بيساكھياں ويسے ويسے لمبي هوتي جارهي هيں۔
شيخ اكرام ”آب كوثر“ كے ديباچه طبع ثاني ميں رقمطراز هيں:
مولانا مناظر احسن گيلاني "الفرقان” كے ولي الله نمبر ميں لكھتے هيں:”علمائے اسلام كے جو تذكرے ادھر تيار هوئے هيں، ان ميں ديكھئے بقول نواب علامه مولانا حبيب الرحمن شيرواني سوائے البحر العلام البحر القمقام” كے هم قافيه الفاظ كے سوانح حالات كي ايك سطر نهيں ملتي، اوليا ومشائخ كے جو تذكرے هيں وه بھي ان سے بهتر نهيں، بيسيوں بلكه دانه دانه جمع كر كے خرمن تيار كرنا پڑتا هے۔
مولانا مناظر احسن گيلاني بھي نواب،علامه، مولانا، جيسے الفاظ كےاستعمال سے اپنے آپ كو نهيں روك سكے، خود شيخ اكرام بھي شبلي نعماني كا تذكره شمس العلماء كےبغير نه كر سكے۔(مولانا گیلانی اپنی کتاب "ہندوستان میں مسلمانوں کا نظام تعلیم و تربیت "کے دیباچہ میں رقمطراز ہیں: "بیس سال سے زیادہ مدت گذری جب سے زیر ظل عافیت سلطان العلوم، سلطان الشعرا، شاہ جم جاہ، معارف پناہ، مخدوم الملت، محبوب الملت، سراج الشرق، وارث السلطنت المغلیہ، شہریار دکن، جلالۃ الملک النواب” میر عثمان علی خان بہادر” اید اللہ بنصرہ العزیز و خلد اللہ ملکہ اسی جامعہ میں معلم الصبیانی کی خدمت انجام دے رہا ہوں۔”) شاید یہی وہ القاب ہیں جس کے اوپر مولانا گیلانی نے نقد کیا ہے؛ مگر القاب كے بيجا استعمال كي عادت اتني كهنه هو چكي هے كه اس كے استعمال پر تنقيد كے باوجود علماء بھي محفوظ نه ره سكے ،كسي بڑے اور علمي شخصيت سے عقيدت ركھنا ان كى ساتھ عزت اور احترام كا معامله كرنا ايك ضروري امر هے،ليكن القاب كا جھوٹا سهارا ديكر بےجا عقيدت كا اظهار اورمرتبے سے زياده كا درجه دينا علمي بدديانتي بھي هے،”حضرت كا ثاني نه هونا "،”علمي دنيا ميں بهت بڑا خلا هو جانا ” بهت ممكن هے اسي سلسلے كي ايك كڑي هو۔
ثاقب اكبر اپنے آرٹيكل "القاب كى بيساكھياں” ميں لكھتے هيں:
"كتنے كم نام هيں جو علم كے حوالے سے تاريخ كو ياد ره گئے هيں اور كتنے وه افراد هيں جن كے ناموں كے ساتھ القاب كا بھاري بوجھ لٹكاهوا تھا اور وه تاريخ كي گهرائيوں ميں اتر كر گم هو گئے هيں”۔
عام ساده دل اور ساده انديش افراد سے كيا كهنا بات تو اهل علم سے كهنے كي هے۔عالم هونا بڑا اعزاز اور بڑا رتبه هے ليكن عالم يا علامه كهلوانا كتنا بڑا دعوى هے۔جب بے علم ،جاهل،عالم نما اور حريص على الدنيا اور مرتبه ومنصب كے درپے افراد اپنے آپ كو عالم يا علامه كهلا رهے هوں تو اهل علم كو شرم آتي هے كه ان كے لئے وهي القاب استعمال كئے جائيں جو بے شمار نا اهلوں كے لئے استعمال كئے جا رهے هيں۔
حقيقت يه هے كه لقب،خطاب يا خاص طرح كا لباس كسي كو عالم نهيں بناتا، عالم هوتا هے اور وه لقب يا لباس كا مرهون منت نهيں هوتا ۔جب حسب حال الفاظ اهل افراد كے ساتھ استعمال هوتے هيں تو يه لفظوں كے لئے بھي اعزاز هوتا هے جبكه لقب او رخطاب محروم عن الفضل افراد كے لئے بيساكھي هے اور خاص طرح كا لباس ايسے لوگوں كا بهروپ هيں۔
تحريري تخليق هو يا خطاب اس كے درست وغلط هونے كا فيصله تحقيقي معيار هونا چاهئے "راستي بالائے طاعت است”كو سامنے ركھ كر واقعات اور شخصيتوں كو پركھنا چاهئے تاكه حقيقت سے پرده اٹھے،ان تمام هستيوں كو عزت واحترام كي نظر سے ديكھنا چاهئے جنهوں نے كوئي علمي كام كيا هو يا قومي زندگي كي دھارا بدلنے ميں اهم كردار ادا كيا هو، في زمانه جو صورت حال هے كه عقيدت كي اندھي تقليد ميں بهه كر القاب وخطاب كا جھوٹےسهارے دينے کا ايك عام رواج هو گيا هے اس سےواجبي طور پر پرهيز هو، اورايك معتدل فكر ان لوگوں كے درميان فروغ پائے جو القاب وخطاب كے استعمال كے ديوانے هيں اور جو لوگ اس كے بالكل مخالف هيں۔
