مدتوں رویا کرے گی درس و افتاء کی بساط

حضرت مولانا مفتی محفوظ الرحمن مفتاحی رحمۃ اللہ علیہ کی رحلت پر ایک تعزیتی نظم

کون رخصت ہوگیا ہے کر کے سب کو سوگوار

ہر کسی و ناکس وفورِ غم سے ہے یوں بے قرار

تیری علمی کاوشوں کا معترف ہر خاص و عام

ہیں دِلوں میں ثَبت تیری یاد کے نقش و نگار

گرچہ دُنیا چھوڑ تُو، زیرِ زمیں ہے محوِ خواب

تیری روشن زندگی ہے، ایک اسوہ، اک شِعار

مُردہ دِل زِندہ ہوئے، تاریکیاں غائب ہوئیں

تیرے پند و وعظ سے سب چھَٹ گئے دِل کے غبار

تیری حِکمت، موعظت کے جاودانی تھے نُقُوش

تھا ریاضِ علم و حکمت تیرے دم سے لالہ زار

"مدتوں رویا کرے گی درس و افتا کی بساط”

تیرے دَم سے فَیض پائی، ایک خِلقت، بِے شُمار

وحدتِ مِلّت کی خاطر تیری کاوش کو سلام

لائے گی اِک دِن یقیناً تیری محنت برگ و بار

اُن کے کارِ خیر کو تو کر لے اے مولیٰ قبول

خاص رحمت ہو تیری، اُن پر مِرے پروردگار

جاوید اختر عمری

جاوید أختر عمری کا تعلق مئوناتھ بھنجن، اترپردیش سے ہے۔ آپ نے دینی مدارس اور عصری جامعات دونوں سے تعلیم حاصل کی، اور تحقیق، تدریس، ادب و تحریر کے میدان میں سرگرم عمل ہیں۔ اسلامی ادب، سفرنامہ نگاری، اور سیرت و ثقافت جیسے موضوعات پر خامہ فرسائی کے ساتھ ساتھ آپ ڈیجیٹل دنیا میں بھی فعال ہیں۔ عربی، اردو، اور انگریزی زبانوں پر مہارت رکھتے ہوئے بلاگنگ، ویب ڈیزائننگ، اور مواد نویسی کے ذریعے معیاری علمی مواد پیش کرتے ہیں۔ روایت و جدت کے امتزاج سے علم کی خدمت کا یہ سفر جاری ہے۔

Leave a Comment

قلمکارواں

عبد-سلمبین-سلفی-Abdul-Mubeen-Salafi

عبد المبین سلفی

مولانا-ابو-العاص-وحیدی-Abul-Aas-Waheedi

مولانا ابوالعاص وحیدی (شائق بستوی)

Aamir-Zafar-Ayyoobi

مولانا عامر ظفر ایوبی

Avatar photo

ڈاکٹر محمود حافظ عبد الرب مرزا

ڈاکٹر صالحہ رشید

مولانا خورشيداحمدمدنیKhursheed-Ahmad-Madni

مولانا خورشید احمد مدنی

ڈاکٹر-محمد-قاسم-ندوی-Mohd-Qasim-Nadwi

ڈاکٹر محمد قاسم ندوی

Dr-Obaidur-Rahman-Qasmi

ڈاکٹر عبید الرحمن قاسمی

جاوید اختر عمری

error: Content is protected !!